Haiti-Poésie: Yon Ayiti Tou Nèf (+ VIDEO)

Mardi, 03 Janvier 2012 16:00 HPN Societe & Culture - Art & Spectacle
Imprimer
Note des utilisateurs: / 16
MauvaisTrès bien 

Par Jean-Pierre Leroy

Mwen fè yon rèv
Yon jou tou nèf sou Ayiti,
Yon jou solèy nan fon syèl
K ap klere yon peyi rebati,
Yon peyi lèt ak myèl

 

Mwen fè yon rèv
Yon jou tou nèf
Kote kan enprovize
Tounen gwo vilaj,
Fanmi divize
Ap fete retrouvay,
Ti moun k ap jwe sou plaj,
K’ ap trese chapo pay

Mwen wè yon jou tou nèf
Kote do mòn rebwaze
Ap goute lawouze,
Yon peyi tou vèt
Kote lanati ap bay payèt

Mwen wè yon jou tou nèf
Yon etadedwa
San òrlalwa
Nan enstitisyon
Laboratwa koripsyon,
Yon Ayiti desantralize
Nan tout provens,
Yon nouvo Pòtoprens




Jean-Pierre Leroy (Pou Yon Lòt Ayiti)